buyer-persona

شرح عملى على الشخصية الشرائية أو الـ buyer persona

الشخصية الشرائية  أو الـ buyer persona

احنا عارفين في اورجانيرا إن موضوع المصطلحات ده صعب على كتير من الناس اللى بتحاول تدخل مجال التسويق عموما و التسويق الإلكتروني تحديدا

والنهارده جايبنلكم شرح عملى على مصطلحين مهمين جدا من مصطحات التسويق وهما ” الـ buyer persona  و الـ trend jacking

شركة بيبسي الغنية عن التعريف استغلت الحدث الأهم في افريقيا حاليا وهو بطولة أمم افريقيا لكرة القدم وقدمت حملتها الاعلانية المميزة كالعادة - وهو ده التريند جاكينج - “ الـ Trend Jacking هو استغلال الأحداث المسيطرة على الساحة في عمل حملة اعلانية ما، او التسويق لشئ ما” .

 

طيب وفين الشخصية الشرائية في كده

الشخصية الشرائية أو الـ buyer persona هتشوفها حضرتك وانت بتتفرج على الفيديوهات اللى تحت، اللى محتواها بيقول إن رغم تشتتنا واختلافتنا كلنا لازم نكون ورا منتخب بلادنا، بس الشخصية الشرائية ما كانتش في الحتة دي ، الشخصية الشرائية كانت في طريقة تقديم الفكرة.

في فيديو المنتخب المصري إختارت شركة بيبسي إنها تلعب على وتر المسئولية وان لازم احنا نبقي اد المسئولية زي ما اللاعبين عليهم كمان مسئولية كبيرة.

فيديو المنتخب المصري :

http://bit.ly/2iSZqTb

بينما في فيديو المنتحب الجزائري الشقيق إختارت بيبسي إنها تلعب على وتر إثبات الذات وإنهم يعرفوا العالم مين هي الجزائر .

فيديو المنتخب الجزائري:

http://bit.ly/2jovNfu

بس في حاجه اخيرا محتاجين نعرفها وهي إن الـ buyer persona هي دراسة كاملة لحالة السوق وشخصية المستخدمين المتوقعين للمنتج بتاعي ودي بتيجي بعد دراسات كتير للسوق اللى انت هتشتغل عليه سواء من الناحية الإقتصادية أو السياسية وكل النواحي المتعلقة بالسوق ده.

 

وزي ما بنقول دايما التسويق بحر كبير، ولو حبيت تعرف أكتر عن التسويق أو التسويق الإلكتروني ممكن تزور مدونة اورجانيرا او تتابعنا على الفيس بوك وتسئلنا على الحاجه اللى واقفه معاك

اورجانيرا  بتوع النت

LEAVE A COMMENT