أهم مصطلحات ونصائح سيو التي يجب معرفتها

أهم مصطلحات ونصائح سيو التي يجب معرفتها

أهم المصطلحات اللى لازم تعرفها قبل ما تدخل  عالم سيو.

قبل ما ابدأ في كتابة أهم مصطلحات ونصائح سيو التي يجب معرفتها ، في الاول انت لو بتدير موقع او بتدير موقعك الشخصي فانت لازم تعرف تحسن موقعك ازاي في محركات البحث عشان توصل للصفحات الاولي في نتائج البحث ودا بيساعدك علي الحصول علي عدد من الزيارات لموقعك وبينتج من كدا زيادة المبيعات لو انت موقع بتقدم بيزنس معين وبتعرف ايضا توصل للعميل المستهدف ليك بسهولة .

يبقا خلينا متفقين انك لازم تتعلم مصطلحات سيو وتفهمها بشكل دقيق ومعرفة كل مصطلحات سيو بتهدف لايه عشان تعرف تفهم seo بشكل صحيح في البداية ..

خلينا الاول نعرف يعني ايه seo

SEO هي اختصار ل Search Engine Optimization كامصطلح بيعني تهئيه محركات البحث.

يعني انك بتحسن الموقع وصفحات الموقع لمحركات البحث وانك بتعمل صداقة ما بين موقعك وما بين محرك البحث عشان موقعك يظهر في صفحةإسمها SERP

SERP يعني ايه؟

SERP أو الـ Search Engine Result Page دي الصفحة اللى بتظهرلك فيها النتائج الخاصة بالبحث.

السيو الداخلي on page seo :

دي الحاجات اللي بعملها وبطبقها او بحسنها عندي داخل موقعي عشان اقدر اظهر في جوجل بترتيب افضل

ومن الحاجات دي.

 meta tags وبيتنقسم ل:

Title:عنوان الموقع اللي بيظهر للزائر في صفحة الSERP وانك تفهم الزائر انت بتتكلم عن ايه من خلال العنوان.

Description:الوصف اللي من خلالة بتعرف الزائر الحاجه اللي بتدور عليها عندي في موقعي.

الكلمات المفتاحية keywords :: وهي انك بتحط اهم الكلمات اللي ممكن اليوزر يدور بيها عشان يوصلهم content او للموقع بتاعك.

ومن أهم مصطلحات ونصائح سيو التي يجب معرفتها ايضا داخل on page seo :

Anchor text  :ودي بتبقي الروابط اللي موجوده في الموقع او content بتاعك اللي تشير داخل موقعك  وبتكون علي هيئة كلمات مفتاحية.

Off page seo :السيو الخارجي:

دي الحاجات اللي بحسنها وبعدلها في الموقع من الخارج زي backlinke.

backlinke:الروابط الخلفية : يعني الروبط اللي بتشير الي موقعك من مواقع اخري  ودي من اكتر الحاجات اللي بتخلي جوجل يثق فيك ويحبك ويقول عليك برنس .

ومن المصطلحات المهمة بارضو اللى ممكن نتكلم عنها:

mobile usability: هو توافق الموقع مع الموبيلات او ممكن تقوله بمصطلح اخر mobile friendly. 

Crawling الزحف: او عناكب البحث: spider : 

ودي برامج خاصة بمحرك البحث او ممكن تقول الرجالة اللي بيعتمد محرك البحث عليهم  ان يرسلهم لموقعك عشان يارشف الموقع داخل بمحرك البحث.

first google serp: النتائج اللي بتظهر في الصفحة الاولى في صفحة SERP لمحرك البحث.

social media : وهي مواقع التواصل الاجتماعي زي الفيسبوك وتويتر واليوتيوب  وانستغرام وغيرة ..

عمر الدومين Domain Age: من الحاجات اللي بيهتم بيه جوجل جدا لأن كل ما كان Domain Age قديم كل ما هيكون في مصدقية وثقة لجوجل مثلا لو دومين بقاله 5 سنين بالتأكيد هيكون له الافضلية لجوجل عن دومين بقاله شهرين او ثلاثة .

المحتوى Content : اتعودنا اول لما نسمع كلمه content علي طوال يجي في ذهنك

“المحتوي هو الملك”,” the content is king”  ليه الكلام دا لان لو الcontent بتاعك محترم  هيبتدي الناس تشير محتواك وبكدا هتحصل علي backlinke محترم وانت حاطط رجل علي رجل .

بعد فهمك أهم مصطلحات ونصائح سيو التي يجب معرفتها

دلوقتي تقدر تفكر صح في انك تحسن موقعك وانك لو اي حاجه وقفت قدامك في seo تقدر تفهمها بعد فهمك لهذه المصطلحات .

ولو حبيت تعرف أكتر عن سيو ممكن تزور مدونة اورجانيرا او تتابعنا على الفيس بوك وتسئلنا على الحاجه اللى واقفه معاك.

 

LEAVE A COMMENT