الـ انبوند ماركتنج - inbound Marketing زي ما قال الكتاب

يعنى ايه Inbound Marketing ؟

ال Inbound Marketing بشكل مبسط انك ازاى تعمل علاقة متقاربة بينك و بين العميل تكون مبنيه على الثقة و توصله لدرجة ان من كتر حبه ليك يدور عليك و يكون معاك فى الحاجة ال انت بتعملها سواء بيع او عرض محتوى و يتكلم كمان عنك من كتر ما هو حبك و منتبه ليك، واحنا في اورجانيرا بنعتبر ده نواة الـ Inbound Marketing  .

 

سبب وجود الـ Inbound Marketing ؟

ال Inbound Marketing ظهر بسبب مشاكل تراكمية  ناتجة عن الاساليب المزعجة للعميل واللي بتحصل فى التسويق التقليدى، أو خلينا نقول بسبب الادوات اللى بيستخدمها التسويق التقليدي زى التليفزيون و الراديو والمطبوعات.

طيب وإيه المزعج في التسويق التقليدي ؟

العشوائية

زى مثلا شركة تكيفات و بتعمل اعلان فى التلفزيون المصرى ونسبة الناس اللي بتستخدم التكيفات 10% من اجمالى المشاهدين يعنى الاعلان يعتبر خسارة، وحاجة كمان ان الاعلان غير مخصص No Personalization يعنى انت مش محدد انت بتتعامل مع مين و اى مستوى اجتماعى و احتياجته و السن وده طبعا بيرفع سعر الاعلان لارقام هلامية 🙂 لإنك علشان توصل لعدد العملاء اللى هتحتاجه هتبقي محتاج تضاعف عدد مرات ظهور الاعلان وممكن تعملة على أكتر من قناة علشان تغطي قطاع كبير من الناس توصل منهم للعدد اللى انت مستهدفه.

 

  الاعلانات المزعجة ومنها الـ Interruptions Advertising

زى و انت بتتفرج على فيديو تلاقى فجأة وقف الفيديو و ظهر اعلان ليك بالغصب وده ممكن تلحظه فى مسلسلات رمضان سواء فى التليفزيون او   الـ YouTube  او وانت بتعمل بحث عن حاجه يظهر اعلان يغطى الصفحة كلها ويقفلك من الحاجه اللى كنت هتعملها، و الحاجه التانيه Cold Calling يعنى مكالمة تليفون ليك عن منتج أو خدمة انت مش مهتم بيها وطبعا كل يوم بيظهر اساليب جديدة بتكون مزعجة للعميل وبسبب التراكمات دي ه ظهر الـ Inbound Marketing.

 

ليه الـ inbound Marketing

الـ inbound Marketing  هو خطة بتستهدف بيها العميل اللى انت محتاجه للبيزنس بتاعك، أو بمعني أصح بتفصلك عميل على مقاسك، يعني وانت بتعمل الـ inbound Marketing بتحدد الفئة اللى انت محتاجها من الجمهور  والمنطقة اللى هما عايشين فيها وسنهم اد ايه  وكل حاجه بتخص الجمهور ده، وبسبب التحديد الدقيق ده للجمهور سعر الإعلانات في الـ inbound Marketing بيكون أقل كتير جدا من الإعلانات العادية .

 

مراحل الـ inbound Marketing

المراحل الرئيسية لل Inbound Marketing اربعة وكل  مرحله ليها ادوات وطرق مختلفة عشان يكون عندك اكبر قدر من الفاعلية مع عملائك.

 

المرحلة الأولى : الجذب - Attract

الجذب بفهوم بسيط جدا هو انك تحاول تجذب اكبر عدد من strangers اللي أنت محددهم هدف ليك انهم يبقوا visitors عندك.

 

المرحلة الثانية : التحويل - Convert

وهو إنك تحول أكبر عدد من ال visitors اللي عندك اللي جبتهم من الـ strangers وتخليهم Leads أو بيانات ودول الناس اللي بتكون مهتمه بالحاجه بتاعتك و بقى معاك بيانات ليهم.

 

المرحلة الثالثة : الإغلاق - Close

وهنا إنت بتحول البيانات اللي جمعتها الـ - leads -  لعملاء حقيقين - customers  - يشتروا منك أو يستخدموا الخدمة اللى البزنس بتاعك بيقدمها .

 

المرحلة الرابعة : البهجة -Delight

وهي انك تحول customers الحقيقين لـ promoters يعنى إنك تحبب العملاء  فيك بصورة شخصية ملهاش علاقة بالحاجة اللي بتقدمها خالص، يعني  هما اشتروا خلاص بالتالى هيكون عندهم انتماء وولاء ليك، فانت المفروض تكمل معاهم بعد ما أشتروا وتحاول تحافظ على الولاء بتاعم وتقدملهم عروض وخدمة ما بعد البيع وكل الحاجات الجميلة  اللى تخليهم يبتدوا يتكلموا عنك ويعملوا ليك إعلان من غير ما يكلفك شئ او زي ما بنقول word of mouth  .

 

inbound marketing infograph by hubspot

محتاج تعمل ايه عشان تشتغل الـ Inbound Marketing ؟

ال Inbound Marketing العمود الفقرى ليه  او الاساس اللي بيتبنى عليه هو حاجة اسمها ال “المحتوي”  Content  ، و

Content Marketing

 

  • في اول حاجه ال Attract ال انت جايب منها ناس strangers عشان يعروفك هتستخدم Content بتكون بسيطة و مش لازم تكون مكلفة او فيها تعمق عشان ده اول تعارف مش من أولها هتضرب فيهم و بتسخدم في المرحلة دي  tools من اهمها Social Media و SEO و Inbound ADS و Inbound analytics

 

  • تانى حاجة بتعمل Content عشان تستخدم ال visitors عشان يتحولوا ل Leads ود بيكون ليها Tools من اهمها landing pages و Forms و call to action و software وInbound analytics

 

  • تالت حاجه هتعمل Content الكلام فيها عن دراسة الحالة وبتكون حولت ال Leads بتوعك ل Customers وليها برضو ال Toolsبتعتها زى Email Marketing و Lead scoring و Lead Nurturing و CRM وInbound analytics

 

  • و اخر حاجه ال content اللي لازم يحس فيها Customers بالانبهار بالحاجه اللي هما اشتروها عشان يتمزجوا ويبدئوا ال word of mouth و بتسخدم نفس ال tools زى ال Email Marketing و Social media وInbound analytics

 

ال Inbound Marketing مش صعب و مش سهل يعنى انت محتاج تشغل دماغك بس و تكون على دراية اول باول بالاحداث اللي بتحصل حوليك و تستغلها صح، وي ما بنقول دايما في اورجانيرا دور اكتر واعرف اكتر هتفهم اكتر وتشتغل صح.

اورجانيرا بتوع النت

LEAVE A COMMENT