سيو,seo

ما هو سيو SEO

ما هو سيو SEO ؟

seo او سيو هي اختصار  Search Engine Optimization  تهيئة المواقع لمحركات البحث يعني إيه الكلام ده ؟

يعني انك بتحسن الموقع وصفحات الموقع لمحركات البحث وانك بتعمل صداقة ما بين موقعك وما بين محرك البحث  وان اوصل للناس اللي بتدور عليا بسهولة ودا اللي بيميز موقعك عن المواقع الاخري وعشان اقدر أظهر فى النتائج البحث الاولى في صفحة إسمها SERP أو الـ Search Engine Result Page ودي الصفحة اللى بتظهرلك فيها النتائج الخاصة بالبحث .

محركات البحث:

ولان معظم الناس بتجيلك عن طريق محركات البحث لازم اعرف وافهم بشتغل ازي

محركات البحث في الوقت اللي احنا فيه كتير واشهرهم طبعا (Google ،Yahoo , bing).

ولكن لو هنتكلم عن محرك البحث الاول بكل تاكيد هو جوجل .
يعني لما بتعوز تعرف حاجه بتجري تعمل سيرش علي جوجل وخلينا نقول كمان ان 70%من الناس بتعمل كدا

ودا عشان جوجل بيظبط  الناس اللي بتعمل سيرش عنده ودا عشان بيجبلهم النتيجه المرتبطه بالسيرش اللي عملوه.

جوجل بقا بيعمل الكلام دا  عن طريق انه بيبعت الرجاله بتوعه اللي هما جوجلspider او Crawler لكل website عشان يقراه ويفهم هو بيتكلم عن ايه ويخزنه في Database بتاعته.

عشان لما حضرتك تيجي تعمل search يطلعك النتيجه( result) بتاعتك بسرعه.

هديلك مثال بسيط على السيو وعملية البحث اللى انت بتعملها لم تكون عاوز تعرف حاجه معينة

لو انت بتدور مثلا على كلمة ” يعني ايه SERP ” هتظهرلك النتائج بالشكل ده

يعني ايه SERP

طيب النتائج دي بيتم ترتيبها على أساس إيه ؟

بيرتبها بناءا على عده عوامل وبتعرف بــ عوامل seo  ، والموقع اللى بيتبع عوامل السيو والتعليمات الخاصة بمحرك البحث هو اللى بيظهر في الأول وعلى الأساس ده بيتم ترتيب كل المواقع. يعني كل ما اتبعت عوامل السيو كل ماكانت فرصتك أكبر في الظهور في الأول.

 

ما هى عوامل السيو ؟

وبتنقسم لعده عوامل ومنها …

one page seo السيو الداخلي:

دي الحاجات اللي بطبقها او بحسنها عندي داخل موقعي زي ما قلنا  عشان اقدر اظهر في محرك البحث وبترتيب افضل ومن الحاجات دي meta tags :
زي العنوان Title والوصف Description و الكلمات المفتاحية Keywords .

المحتوى content :

لازم يكون المحتوي بتاعك جذاب ويكون عباره عن قصة شيقة بالنسبة للزائر ويكون المحتوي دسم بما فيه الكفاية عشان يحب موقعك وكمان عشان يستني كل مقاله انت بتكتبها  وتاخد بالك انك متكررش المحتوي او تنسخه .

internal links :

اللي هي الروابط الداخليه ودي  الروابط اللي بتبقا موجوده في الصفحه او الكونتنت بتاعك مثلا  لو كاتب كونتنت عن حاجه معينه وفي اخر الكونتنت رابط وقلت لو عاوز تعرف اكتر عن الحاجه دي ساعتها الزائر هيخش يلف في الصفحات الموقع ويبقا انا استدفت ان  الزائر قعد عندي اكبر وقت ممكن .

Page Loading Time : وهي سرعة الوقت اللي بيفتح  فيه الموقع او الصفحات عشان الـuser ما يملش من الموقع ويكون عندو الحافز ان يدور اكتر في موقعك .

السيو الخارجي SEO off page : 

دي بعض التعديلات في الموقع من الخارج زي.

 الروابط الخلفية Backlinks:

ممكن تعتبر انه من اهم العوامل اللي بيهتم بيه محرك البحث جدا  وكل ما يكون موقعك منتشر علي المواقع الاخري  كل ما كان محرك البحث  يثق فيك ويحبك  وكذلك الامر في

الـ Social signals :

ومدي انتشار موقعك عليها زي instagram ,facebook , linkedin وغيرة من مواقع السوشيال وأهمهم Google plus وطبعا كل دا مبني علي جودة ال Content اللي بتقدمه .

 

ممكن تتابعنا الفتره الجايه هنتكلم عن SEO بشكل مختلف و في النهاية اتمني تكون وصلت المعلومة بشكل مبسط  ومتنساش تبص علي المقالة أهم مصطلحات ونصائح سيو التي يجب معرفتها.

ولو حبيت تعرف أكتر عن سيو ممكن تزور مدونة اورجانيرا او تتابعنا على الفيس بوك وتسئلنا على الحاجه اللى واقفه معاك.

 

 

LEAVE A COMMENT