سيو القبعة السوداء وسيو القبعة البيضاء

سيو القبعة السوداء وسيو القبعة البيضاء

سيو القبعة السوداء وسيو القبعة البيضاء في البداية قبل ما اتكلم عنهم لازم تعرف ان في اي مجال هتلاقي طرقتين طريقة شرعيه وطريقة غير شرعية .

ولو وضحنا اكتر ان الطريقة الشرعية ممكن نمثلها في الطالب الشاطر واللي كان بيذاكر ويعمل اللي عليه ويصبر في الاخر

بيلاقي نتايج كويسه وبينجح  ودا بيعرف في عالم السيو بـ SEO white hat اما في المقابل الطالب اللي كان بيعتمد علي الغش وان يحفظلو كلمتين قبل الامتحان ممكن يجيب دراجات عاليه لكن في الغالب الطالب دا مش بيجيب دراجات

كويسة بل كمان بيسقط ودا في سيو بيعرف بـ  SEO black hat اما بقا اللي بيحدد الامتحان ومعايير الامتحان ممكن نشبهه بـ محرك البحث .

 white hat SEO  ؟

 إستراتيجية  white hat SEO المقصود بيه هو انك بتلتزم بكل التعليمات و القواعد اللي بيطلبها منك محرك البحث

زي الشاطر وفي المقابل محرك البحث بيعمل معاك الصح ويوصلك للنتائج الاولي في صفحة الـ SERP

وثق ان نتائجها مضمونة  طالما أنت ملتزم بقوانين محركات البحث سواء (Google ،Yahoo , bing).

و عشان انت ماشي صح وفي السليم الموضوع هياخد منك وقت اكتر وصبر والطريقة دي في السيو

بتعتمد علي خطط وتقنيات الخاصة بمجال seo يعني بتقدم content جيد عشان تفيد بيه الزائر مش محرك البحث فقط

وبناء backlinks بطريقة معتمدة وتكون في تفاعل علي الـ Social signals وانك تحلل المنافسين وتعرف ايه نقاط الضعف والقوة عشان تعرف تنافس في المجال ان كان سيو او مجالات اخري ….

وغيرها بقي من عوامل السيو اللي بتتبعها هذه الاستراتيجية ونتائجها بتكون مضمونة وبتدوم طويلاً جداً .

والطريقة دي بتخلي محرك البحث يحبك ويقول عليك ملتزم  عشان كدا في اغلب الاحيان بيطلق علي إستراتيجيةwhite hat SEO

بـ السيو الصديق لـ محركات البحث واصحاب هذه الطريقة دايما بتتميز مواقعهم بـ PageRank عالي .

black hat SEO  ؟

إستراتيجية black hat SEO وهو عكس الـwhite hat SEO هو الحصول او تصدر نتائج البحث في صفحة الـ SERP ولكن

بطريقة غير شرعية و تأثير هذه الاستراتيجة في سيو بتوصلك للحصول علي النتائج الاولي في نتائج البحث بطريقة سريعة جدا وفي وقت قصير .

عكس إستراتيجية الـwhite hat SEO اللي بتحتاج الي وقت وصبر .

وطبعا عم جوجل او المحرك البحث عامة ما بيسكتش علي الكلام دا وبيتم معاقبة اصحاب هذه الاستراتيجية

اما ان هو يحظرو نهائي او حظر جزئي والكلام دا بعد ظهور  جوجل باندا Google Panda .

ومن التقنيات المستخدمة سيو القبعة السوداء  black hat seo .

التعليقات المزعجة SPAM : ودا ان هو بيرمي اكتر من الف موضوع وبنفس الرابط في اكتر من الف منتدي او مدونة

وبيكون نفس الموضوع متكرر وبيكون الرابط ليس له صله بالمحتوي اصلا .

استخدام الروابط بكثرة : بيجمع مجموعه من الروابط باعداد كبيرة جدا ويحطها في صفحة واحدة في مدونة او منتدي او موقع وقد تصل هذه الروابط الي اااالاف.

أتمني ان يكون الموضوع سهل ومفيد وتكون وصلت المعلومة بشكل مبسط ولو حبيت تعرف أكتر عن سيو    او تتعرف علي مصطلحات سيو  ممكن تزور مدونة اورجانيرا او تتابعنا على الفيس بوك  وتسئلنا على الحاجه اللى واقفه معاك.

 

LEAVE A COMMENT