11 سبب علشان تبدأ حملتك الاعلانية على الانترنت

11 سبب علشان تبدأ حملتك الاعلانية على الانترنت

في 11 سبب مؤكد هيخلوك تتردد قبل ما تعمل حملتك الإعلانية على التلفزيون وتختار إنك تبدأ حملاتك الإعلانية على الإنترنت بدلا عنه، والأسباب دي وضحناها في شكل مقارنة بين التسويق التقليدي و التسويق الالكتروني .
بس قبل ما نتكلم عن المقارنة حبين إننا نتشارك معاكم بعض الإحصائيات الصغيرة لمستخدمين الإنترنت علشان تعرف أد إيه الإنترنت بيفتحلك سوق في بلدك وفي العالم كله

في الصورة اللى قدامك دي هتعرف إن عدد مستخدي الإنترنت في العالم تقريبا 3 مليار و 700 مليون مستخدم منهم في الشرق الأوسط بس حوالى 141 مليون مستخدم .

عدد مستخدمي الانترنت لعام 2016

بينما في الصورة دي هتلاقي إن عدد مستخدي الفيس بوك لواحده تقريبا مليار و 700 مليون منهم في الشرق الأوسط 76 مليون شخص

 

عدد مستخدمي الفيس بوك لعام 2016

دلوقتي وبعد ما عرفت عدد مستخدمين الإنترنت والسوق اللى ممكن يفتحهولك الإنترنت ممكن تعرف ليه تبدأ حملتك الإعلانية على الإنترنت مش علي التلفزيون

مقارنة بين مزايا وعيوب التسويق الالكتروني والتسويق التقليدي

1- إستهداف العملاء

التسويق التقليدي : شبه مستحيل إنك تستهدف العميل اللى انت محتاجه لمنتجك أو لشركتك، لإن مافيش وسائل تستهدف بيها جمهور محدد بالعكس إنت إعلانك بيتعرض وإنت مش عارف مين اللى هيشوفوا

التسويق الالكتروني: ممكن تستهدف العملاء اللى انت محتاجهم بسهولة تامة من حيث العمر أو المكان أو الجنس أو حتي الوظيفة.

2- التواصل مع العملاء

التسويق التقليدي : مش ممكن تتواصل مع العملاء لإن الإعلان بيتم بصورة غير مباشرة إلا في حالات قليله جدا زي التسويق من خلال التليفون

التسويق الالكتروني: طبعا ممكن تتواصل مع العملاء بمنتهي السهولة لإن الإعلان بيتم بصورة مباشرة بينك وبين العميل

3- الرسالة الإعلانية

التسويق التقليدي : صعب تعدل الرسالة الإعلانية أو محتوي الإعلان لإن ده بياخد وقت كتير جدا

التسويق الالكتروني: تعديل الرسالة الإعلانية ببساطة لأن الإعلان في إيدك إنت والموضوع ما بياخدش وقت

4- وقت الحملة الإعلانية

التسويق التقليدي : الإلتزام بمواعيد الحملة الإعلانية، ولازم يكون عندك مقر لشركتك وخدمة عملاء يتواصلوا مع العملاء اللي هيحبوا إنهم يعرفوا اكتر عن اعلانك

التسويق الالكتروني: إنت اللى بتحدد وقت الحملة الإعلانية، مش لازم يكون عندك مقر لإنك ممكن تبيع وتشتري من خلال النت.

5- الطلب على المنتج

التسويق التقليدي : الطلب على المنتج بيكون بشكل غير مباشر سواء من خلال خدمة العملاء او طريقة تانية

التسويق الالكتروني: الطلب على المنتج بيكون بطريقة مباشرة سواء اذا كان من خلال الطلب من على موقع الشركة أو من خلال صفحات السوشيال ميديا الخاصه بيها.

6- استمرارية العملاء

التسويق التقليدي : صعب تضمن إستمرارية العملاء لإن الإعلان بيكون فترة وبينتهي وبعدين العميل بينساك

التسويق الالكتروني: سهل تضمن إستمرارية العملاء بتوعك لإنك ممكن تخليهم يتابعوا صفحات السوشيال ميديا الخاصة بشركتك وموقعك الإلكتروني وبكده ممكن تتواصل معاهم في أي وقت وتضمن استمراريتهم.

7- رأي العملاء “Feedback”

التسويق التقليدي : صعب تاخد رأي العميل في منتجك أو خدمتك لإن زي ما قولنا الإعلان بيكون بطريقة غير مباشرة

التسويق الالكتروني: سهل جدا تاخد رأي العميل في المنتج أو الخدمة أو حتي الشركة بمنتهي السهولة سواء بسؤال مباشر أو من خلال استفتاء أو طريقة تانية.

8- عدد العملاء

التسويق التقليدي: عدد العملاء بيكون قليل نسبيا، لانك بتخاطب عميل معين في سوق معين في دولة معينة

التسويق الالكتروني: عدد العملاء كبير جدا لإن التسويق الإلكتروني ممكن يفتحلك مجالات عمل في عدد كبير من الدول والأسواق المختلفة بعكس التسويق التقليدي.

9- عرض المنتجات والخدمات

التسويق التقليدي: صعب تعرض كل المنتجات والخدمات اللى بتقدمها الشركة لإن ده هيحتاج مكان كبير أو مجموعة كبيرة من الاعلانات

التسويق الالكتروني: سهل تعرض جميع المنتجات والخدمات من خلال الإعلانات، او من خلال عرضها على موقع الويب الخاص بالشركة.

10- التكلفة

التسويق التقليدي : طبعا التكلفة بتكون مرتفعه جدا لإنك بتستخدم وسائل إعلانية زي التلفزيون والجرايد

التسويق الالكتروني: إنت اللى بتقدر تحدد ميزانيتك الإعلانية، لإن تكلفة الإعلانات قليله جدا مقارنة بالتسويق التقليدي.

11- النتائج

التسويق التقليدي : صعب الحصول على النتائج لإن ده بياخد وقت طويل وكسب العملاء الجدد بيكون كمان بطريقة بطيئة

التسويق الالكتروني: النتائج بتوصلك أول بأول بكل التفاصيل اللى محتاج تعرفها عن الإعلان والتكلفة والتأثير

وممكن تتفرج على الفيديو ده لو إنت مهتم تعرف أكتر عن السوشيال ميديا وهتفيدك ازاى في شغلك

تقريبا دلوقتي إنت حددت موقفك وعرفت هتبدأ تسوق لشغلك في أي اتجاه سواء تسويق تقليدي او تسويق الكتروني، لو اخترت تسويق الكتروني ممكن تتصل بـ اورجانيرا وتعرف أكتر عن عروضنا و خدمات التسويق الالكتروني اللى بنقدمها
اورجانيرا - بتوع النت

 

احصل على العرض الان

LEAVE A COMMENT